Pangasius(ആസാം വാള)

“ആസാം വാള - മത്സ്യക്കൃഷിയി ലെ ഭാഗ്യ നക്ഷത്രം”

കേരളത്തിലെ മത്സ്യക്കൃഷിയിൽ വിപ്ലവകരമായ മാറ്റങ്ങൾക്ക് തുടക്കമിട്ട പുതുതലമുറ വളർത്തുമത്സ്യങ്ങളിൽ പ്രധാനിയാണ് ആസാം വാള. മലേഷ്യൻ വാളയെന്നും അറിയപ്പെടുന്ന ആസാം വാളയുടെ ശാസ്ത്രീയ നാമം Pangasius hypophthalmus എന്നാണ്. ആഗോളതലത്തിൽ ഭഷ്യാവശ്യത്തിനായി വളർത്തപ്പെടുന്ന മത്സ്യങ്ങളിൽ ഒന്നാം സ്ഥാനത്തുള്ളത് മലേഷ്യൻ വാള തന്നെയാണ്. ചെറിയ ടാങ്കുകളിൽപ്പോലും നല്ല വളർച്ചാ നിരക്ക് കാണിക്കുന്ന ആസാം വാള രുചിയിലും കേമനാണ്.  

ആസാം വാള വ്യാപകമായി കൃഷിചെയ്യപ്പെടുന്ന രാജ്യങ്ങളാണ് തായ്ലാൻഡ്, നേപ്പാൾ പാക്കിസ്ഥാൻ,  ഇന്ത്യ, ബംഗ്ളാദേശ്, വിയറ്റ്നാം, ലാവോസ്, മ്യാൻമർ, ഇൻഡോനേഷ്യ, കംബോഡിയ മുതലായവ. വളരെ കുറഞ്ഞ കാലം കൊണ്ട് ഇന്ത്യയിലും ജനങ്ങളുടെ ഇഷ്ടമത്സ്യയിനമായിത് മാറിക്കഴിഞ്ഞു.

ആന്ധ്രായുടെയും ബംഗാളിന്റെയും ചുവടുപിടിച്ചു കേരളത്തിലെയും മത്സ്യകർഷകർ ആസാംവാള കൃഷിയിലേക്കു മാറാൻ തുടങ്ങിയിട്ടുണ്ട്. മറ്റു മത്സ്യങ്ങളോടൊപ്പവും കൂടുകളിലും വളർത്താൻ യോജിച്ച ആസാം വാളയുടെ മറ്റു സവിശേഷതകൾ അന്തരീക്ഷ വായൂ ശ്വസിക്കുന്നതിനുള്ള കഴിവ്, ജലത്തിന്റെ താപനിലയിലും ഗുണനിലവാരത്തിലുമുള്ള ചെറിയ മാറ്റങ്ങളെ അതിജീവിക്കുവാനുള്ള കഴിവ്, ഓരുവെള്ളത്തിലും വളർത്താം എന്നിവയൊക്കെയാണ്. സാധാരണ 8 മുതൽ 10 മാസം വരെയാണിവയെ വളർത്താറ്.  ഈ കാലയളവിനുള്ളിൽ 2 കിലോഗ്രാം വരെ തൂക്കം വയ്ക്കാറുണ്ട്. 

  

അടുക്കളയിലെ ഭക്ഷണാവശിഷ്ടങ്ങൾ സഹിതം എല്ലാത്തരം തീറ്റകളും തിന്നു പെട്ടെന്ന് വളരുന്ന ആസാം വാള വളരെ ആദായകരമായി കൃഷി ചെയ്യാവുന്നൊരു മത്സ്യയിനമാണെന്ന കാര്യത്തിൽ സംശയമില്ല.

ഉയർന്ന ഗുണനിലവാരമുള്ള ഫാൻസി ഗപ്പികളുടെ വലിയൊരു ശേഖരം തന്നെ പെറ്റ്സ് പാർക്ക് ഗപ്പി ഫാമിൽ {ഗപ്പീസ് പാർക്ക് )വിൽപ്പനയ്‌ക്ക്‌ ലഭ്യമാണ്. ഫോൺ;  9387735697. ഇ-മെയിൽ; keralaponics@gmail.com.

പേപ്പിറസ് ചെടി (Papyrus plant)

“ഉദ്യാനക്കുളങ്ങളിലെ അലങ്കാരസസ്യമായ പേപ്പിറസ് ഒന്നാംതരം ജലശുദ്ധീകരണിയും” 

പേപ്പർ ചെടിയെന്നും അറിയപ്പെടുന്ന പേപ്പിറസ് ചെടിയുടെ ശാസ്ത്രീയ നാമം Cyperus papyrus എന്നാണ്. ആദിമകാല ഈജിപ്തുകാർ എഴുതാനുപയോഗിച്ചിരുന്ന മാധ്യമമാണ് പേപ്പിറസ്. ത്വരിത വളർച്ചയുള്ള ജലസസ്യമായ പേപ്പിറസ് ചെടിയുടെ തണ്ടുകൾ ചെറിയ ചീളുകളാക്കി ഒട്ടിച്ചുചേർത്ത് പേപ്പർ പോലെ താളുകളാക്കിയാണ് എഴുതാനായി ഉപയോഗിച്ചിരുന്നത്. പേപ്പർ എന്ന പേരിന്റെ ഉത്ഭവം തന്നെ പേപ്പിറസിൽ നിന്നുമാണ്. കൂടാതെ മലിനജലം ശുദ്ധീകരിക്കാനുള്ള പേപ്പിറസ് ചെടിയുടെ കഴിവ് ലോകമെമ്പാടും പ്രയോജനപ്പെടുത്തിവരുന്നു. 

മഡഗാസ്കറിൽ ഉത്ഭവിച്ച പേപ്പിറസ് ചെടി അംബ്രല്ലാപ്ലാന്റ്, ബുൾറഷ് എന്നീ പേരുകളിലും അറിയപ്പെടുന്നു. ഉദ്യാനക്കുളങ്ങളിലെ ഒന്നാംതരം അലങ്കാരസസ്യമായി ലോകമെങ്ങും കണക്കാക്കപ്പെടുന്ന പേപ്പിറസ് ചെടി നമ്മുടെ നാട്ടിലും നല്ല രീതിയിൽ വളരുന്നതാണ്. വിത്തിൽ നിന്നോ ചുവട് വിഭജിച്ചോ പുതിയ തൈകളുണ്ടാക്കാം. പ്രകൃതിസൗഹൃദ ജല ശുദ്ധീകരണത്തിന് പ്രയോജനപ്പെടുത്താവുന്ന ഏറ്റവും പ്രധാനപ്പെട്ടൊരു ജലസസ്യമാണിത്. 

 

ചായ മൻസ, ചീരച്ചേമ്പ്‌, രംഭ എന്നിവയുടെ തൈകളും  പുതുതലമുറ വളർത്തു മത്സ്യങ്ങളായ ഗിഫ്റ്റ് തിലാപ്പിയ, നട്ടർ, മലേഷ്യൻ വാള എന്നിവയുടെ കുഞ്ഞുങ്ങളും കേരളാപോണിക്സിൽ ലഭ്യമാണ്. ഫോൺ;  9387735697. ഇ-മെയിൽ; keralaponics@gmail.com.

Sweet leaf (മധുരച്ചീര)

"പോക്ഷക സമൃദ്ധമായൊരു നിത്യഹരിത കറിയില"

തെക്കു കിഴക്കേഷ്യൻ രാജ്യങ്ങളിലെല്ലാം കൃഷി ചെയ്തുപയോജിച്ചു വരുന്നൊരു ചീരയിനമാണ് കേരളത്തിൽ വേലിച്ചീരയെന്നും ചേർക്കുമാനിസ് എന്നും കൂടി അറിയപ്പെടുന്ന മധുരച്ചീര, കേരളത്തിലെല്ലായിടത്തും വലിയ പരിചരണമൊന്നും കൂടാതെ വളരുന്നയീ ചീരയിനം രണ്ടര മീറ്റർ വരെ ഉയരത്തിൽവളരുന്നതാണ്. പോക്ഷകക്കലവറയായ വേലിച്ചീരയിൽ അന്നജം, മാംസ്യം, കൊഴുപ്പ്, കാത്സ്യം, ഫോസ്ഫറസ്, ഇരു മ്പ്, വിറ്റാമിൻ- ഏ, ബി, സീ എന്നിവ ധാരാളമടങ്ങിയിരിക്കുന്നു. 

ഇലക്കറികളിലെ അക്ഷയപാത്രമെന്നു വിശേഷിപ്പിക്കാവുന്ന മധുരച്ചീര നിത്യവും ധാരാളം പച്ചയിലകളുമായി തഴച്ചുവളർന്നു നിൽക്കുന്ന കുറ്റിച്ചെടിയാണ്. വെള്ളയിൽ ചുവപ്പു പടർന്ന ചെറിയ പൂക്കളും കായ്കളുമുണ്ടാകും. വിത്തുകളുപയോഗിച്ചും  തണ്ടുകൾ മുറിച്ചു നട്ടും  പുതിയ തൈകളുണ്ടാ ക്കാം. കമ്പുകൾ നട്ടാൽ നാലു മാസങ്ങൾക്കകം ഇലകൾ വിളവെടുത്തു തുടങ്ങാം.

സാധാരണ ചീരയിലകൾ കൊണ്ടുള്ള വിഭവങ്ങക്കെല്ലാമുപയോഗിക്കാമെന്നതിനു പുറമെ മാസം, മുട്ട, ഞണ്ട് എന്നിവയുടെ കൂടെയുമുള്ള പാചകക്കൂട്ടുകളിലുമുപയോഗിക്കുന്നു.

നല്ലൊരൗഷധി കൂടിയാണ് മധുരച്ചീര. രക്ത വർദ്ധനവിനും രക്ത ചംക്രമണം ഉത്തേജിപ്പിക്കാനും വേലിച്ചീരയിലടങ്ങിയിട്ടുള്ള ക്ലോറോഫിൽ സഹായിക്കുന്നു. പനി, ജലദോഷം, തലവേദന, രക്തസമ്മർദ്ദം, മൊണ്ടിനീര്, പൊണ്ണത്തടി, മൂത്രാശയ രോഗങ്ങൾ മുറിവുകൾ എന്നിവയുടെ ചികിത്സക്കും മധുരച്ചീരയെ പ്രയോജനപ്പെടുത്തുന്നുണ്ട്.

നിങ്ങളുടെ അടുക്കളത്തോട്ടത്തിൽ മധുരച്ചീരയും ഉൾപ്പെടുത്താൻ ശ്രമിക്കൂ.  

ചായ മൻസ, ചീരച്ചേമ്പ്‌, രംഭ എന്നിവയുടെ തൈകളും  പുതുതലമുറ വളർത്തു മത്സ്യങ്ങളായ ഗിഫ്റ്റ് തിലാപ്പിയ, നട്ടർ, മലേഷ്യൻ വാള എന്നിവയുടെ കുഞ്ഞുങ്ങളും കേരളാപോണിക്സിൽ ലഭ്യമാണ്. ഫോൺ;  9387735697. ഇ-മെയിൽ; keralaponics@gmail.com.