GIFT Tilapia (ഗിഫ്റ്റ് തിലാപ്പിയ)

“ഗിഫ്റ്റ് തിലാപ്പിയ - മത്സ്യ കർഷകർക്ക് പ്രതീക്ഷയേകുന്ന പുതുതരംഗം.”

ജലക്കോഴി (Aquatic chicken) എന്ന അപരനാമത്തിലറിയപ്പെടുന്ന തിലാപ്പിയ മത്സ്യങ്ങളിൽ നിന്നും വികസിപ്പിച്ചെടുത്തൊരു മെച്ചപ്പെട്ട മത്സ്യയിനമാണ് ഗിഫ്റ്റ്(Genitically Improved Farmed Tilapia). ഭാരതത്തിൽ ഗിഫ്റ്റ് തിലാപ്പിയ വികസിപ്പിച്ചെടുത്ത ത് സമുദ്രോൽപ്പന്ന കയറ്റുമതി വികസന ഏജൻസിയുടെ ജലകൃഷി ഗവേഷണ വികസന സ്ഥാപനമായ രാജീവ്ഗാന്ധി സെന്റർ ഫോർ അക്വാകൾച്ചറിന്റെ വിജയവാഡയിലുള്ള തിലാപ്പിയ പ്രൊജക്ടി ലാണ്. ഏഴോളം നൈൽ തിലാപ്പിയയിനങ്ങളിൽ നിന്നും ജനിതക രീതികളവലംബിച്ചു   ഉത്പ്പാദിപ്പിച്ചതാണീ പുതുതാരം  

ഇന്ത്യൻ സാഹചര്യങ്ങളിൽ നന്നായി വളർന്നു കിട്ടുന്ന ഗിഫ്റ്റ് തിലാപ്പിയയുടെ മാംസം രുചികരവും പോക്ഷക സമൃദ്ധവുമാണ്. വർഷത്തിൽ രണ്ടു പ്രാവശ്യം വിളവെടുപ്പ് നടത്താമെന്നൊരു നേട്ടവുമുണ്ട്. ഉയർന്ന തീറ്റ പരിവർത്തന ശേഷി രേഖപ്പെടുത്തിയിട്ടുള്ള ഗിഫ്റ്റ് തിലാപ്പിയ പ്രോട്ടീൻ കുറഞ്ഞ തീറ്റ കഴിച്ചും നല്ല വളർച്ച കാണിക്കുന്നതാണ്. ഉയർന്ന രോഗപ്രതിരോധശേഷി, ഏതു കാലവസ്ഥയിലും ജീവിക്കാനുള്ള കഴിവ്, മിശ്രഭുക്ക് തുടങ്ങിയ സ്വഭാവങ്ങൾ തിലാപ്പിയയ്ക്കു ലോകശ്രദ്ധനേടിക്കൊടുക്കുകയും 85-ലധികം രാജ്യങ്ങളിലെ ഇഷ്ടവളർത്തുമത്സ്യമായി മാറാനും ഇവയ്ക്കു കഴിഞ്ഞു.   6 മാസ്സം കൊണ്ട് 800ഗ്രാം വരെ ഭാരം വയ്ക്കുന്ന ഗിഫ്റ്റ് തിലാപ്പിയയെ വളർത്തുന്നത് വളരെ ആദായകരമായൊരു തൊഴിൽ സംരംഭം തന്നെയാണ്. 

ലോകമെമ്പാടും മത്സ്യപ്രീയരുടെ ഇഷ്ടമത്സ്യമെന്ന ഖ്യാതിനേടിയപ്പോഴും കേരളീയർ സാധാരണ തിലാപ്പിയയെ കളമത്സ്യമായി കരുതി പടിക്കു പുറത്താക്കിയിരുന്നതാണ്. എന്നാൽ ഗിഫ്റ്റ് തിലാപ്പിയയുടെ ആവിർഭാവത്തോടെ കഥയാകെ മാറുകയും രുചികരമായതും താരതമ്യേന വിലക്കുറവുള്ളതുമായ ഗിഫ്റ്റ് തിലാപ്പിയക്ക്‌ ആവശ്യക്കാരുടെ എണ്ണം ദിനംപ്രതിയെന്നോണം വർദ്ധിച്ചുകൊണ്ടിരിക്കുകയാണ്. ആവശ്യക്കാരേറിയതോടെ കേരളത്തിലങ്ങോളമിങ്ങോളം മത്സ്യ കർഷകർ ഗിഫ്റ്റ് കൃഷിയിലേക്കു കളം മാറ്റിക്കൊണ്ടിരിക്കുകയാണ്.

സംസ്ഥാന ഫിഷറീസ് വകുപ്പിൻറെ ലൈസൻസ് ലഭിച്ചിട്ടുള്ള മത്സ്യ കർഷകർക്ക് സമുദ്രോൽപ്പന്ന കയറ്റുമതി വികസന ഏജൻസിയുടെ വല്ലാർപാടത്തുള്ള ഹാച്ചറിയിൽ നിന്നും കേരള ഫിഷറീസ് വകുപ്പിന്റെ നെയ്യാർ ഡാമിലുള്ള ഹാച്ചറിയിൽ ഗിഫ്റ്റ് മത്സ്യക്കുഞ്ഞുങ്ങളെ ലഭിക്കുന്നുണ്ട്. മറ്റ് ഏജൻസികളിൽ നിന്നൊന്നും യഥാർത്ഥ ഗിഫ്റ്റ് മത്സ്യക്കുഞ്ഞുങ്ങളെ കിട്ടുകയില്ല.
വല്ലാർപാടം ഹാച്ചറി - 0484-2975595; നെയ്യാർ ഡാം ഹാച്ചറി - 0471-2271099.

ഉയർന്ന ഗുണനിലവാരമുള്ള ഫാൻസി ഗപ്പികളുടെ വലിയൊരു ശേഖരം തന്നെ പെറ്റ്സ് പാർക്ക് ഗപ്പി ഫാമിൽ {ഗപ്പീസ് പാർക്ക്) വിൽപ്പനയ്‌ക്ക്‌ ലഭ്യമാണ്. ഫോൺ;  9387735697. ഇ-മെയിൽ; keralaponics@gmail.com.

Water Spinach (വയൽച്ചീര)

“വയൽച്ചീര-പോക്ഷക പ്രദാനമായൊരു ഔഷധച്ചീര”

ലോകത്തിൻറെ ഏതാണ്ടെല്ലാ ഭാഗങ്ങളിലും ഇലക്കറിയായി വയൽച്ചീര കൃഷി ചെയ്തുപയോഗിച്ചുവരുന്നു. Ipomoea aquatica എന്ന ശാസ്ത്രീയ നാമത്തിലറിയപ്പെടുന്ന വയൽച്ചീര വെള്ളക്കെട്ടുകളിലും ചതുപ്പ് നിലങ്ങളിലും നന്നായി വളരുന്നു. രക്തത്തിലെ പഞ്ചസാരയുടെ അളവ് ഗണ്യമായി കുറയ്ക്കാൻ വയൽച്ചീരയുടെ ഉപയോഗം കൊണ്ട് സാധിക്കുമെന്ന് ശാസ്ത്രീയ പരീക്ഷങ്ങളിൽ തെളിയിക്കപ്പെട്ടിട്ടുള്ളതാണ്.

ഔഷധ ഗുണത്തിന്റെ കാര്യത്തിലും മുമ്പനായ വയൽച്ചീര പോക്ഷക സമൃദ്ധമായൊരു കറിയിലയിനമാണ്. പ്രധാനമായി രണ്ടു തരം വയൽച്ചീരകൾ കണ്ടു വരുന്നുണ്ട് പച്ച തന്ടുള്ളതും വെള്ള തന്ടുള്ളതും.
വീതി കുറഞ്ഞ ഇലകളും വെള്ള പൂക്കളുമുള്ള, ഈർപ്പമുള്ള മണ്ണിൽ പടർന്ന് വളരുന്നയിനമാണ് പച്ച തന്ടുള്ള വയൽച്ചീര. അമ്പിന്റെ ആകൃതിയിലുള്ള ഇലകളും പിങ്ക് പൂക്കളും നെല്ലിനെപ്പോലെ വെള്ളത്തിൽ വളരുന്നതുമാണ് വെള്ള തന്ടുള്ള വയൽച്ചീര. ഇവിടെ  ചിത്രത്തിൽ കാണിച്ചിട്ടുള്ളത്  വിദേശത്ത്‌ നിന്നുമെത്തിയ പച്ച തണ്ടുള്ള വയൽച്ചീരയാണ്.

വയൽച്ചീര വിവിധ ഭാഷകളിൽ

 

ഇൻഗ്ളീഷ് - വാട്ടർ മോണിംഗ് ഗ്ലോറി

മലയാളം - വയൽച്ചീര

വിയറ്റ്നാമീസ് - കാങ് കുങ്.

ജാപ്പനീസ് - യൂ-സായീ

തായ് - പാക് ബങ്

ഹിന്ദി - കാൽമി സാഗ്

ആസ്സാമീസ് - കൊൽമൗ സാക്ക്

ബംഗാളി - കൽമി ഷാക്ക്

തെലുങ്ക് - തൂട്ടി കൂര

വിളവെടുപ്പും ഉപയോഗവും

വയൽച്ചീരയുടെ ഇളം ശാഖകൾ മുറിച്ചെടുത്തു ഇലയും തണ്ടും കൂടി ചെറുതായിട്ടരിഞ്ഞെടുത്തു പാചകത്തിനുപയോഗിക്കാം . ചീരയെപ്പോലെ കറിവയ്ക്കാവുന്ന വയൽച്ചീര വേവിച്ചു ചപ്പാത്തി, ദോശ എന്നിവയുടെ മാവിൽ ചേർത്തു ചുട്ടെടുത്തുമുപയോഗിക്കാം. ഈ ചീരയുടെ മണ്ടയിലകളും ഇളന്തണ്ടും പച്ചയ്ക്ക് ചവച്ചു തിന്നാനും മറ്റു പച്ചക്കറികളുടെയും മാംസങ്ങളുടെയും കൂടെ ചേർത്തു പാകം ചെയ്തുമുപയോഗിക്കാവുന്നതാണ്.

കൃഷി രീതികൾ

തണ്ട് മുറിച്ചു നട്ടും വിത്തുകൾ വഴിയും പുതിയ തൈകളുണ്ടാക്കാം. തറയിലും ഗ്രോ ബാഗിലും വളർത്താൻ യോജിച്ച ചീരയിനമാണിത്. ഗ്രോ ബാഗിൽ നടുമ്പോൾ വള്ളികൾ പടരാൻ അനുവദിക്കാതെ നാമ്പുകൾ മുറിച്ചെടുത്താൽ ധാരാളം ശാഖകളുണ്ടായി കുറ്റിച്ചെടി മാതിരി വളർന്നു കിട്ടും 

.

വയൽച്ചീര കഴിക്കുന്നത് കൊണ്ടുള്ള ആരോഗ്യപരമായ നേട്ടങ്ങൾ.

•    വയൽച്ചീരയിലുള്ള ആന്റിഓക്സിഡന്റുകൾ ക്യാൻസറിനെ ചെറുക്കാൻ സഹായിക്കും.
•      വയൽച്ചീരയിലുള്ള ബീറ്റാ-കരോട്ടിൻ കാഴ്ചശക്തി മെച്ചപ്പെടുത്തും
•    രോഗപ്രതിരോധ ശേഷി വർദ്ധിപ്പിക്കുകയും വിളർച്ച ഒഴിവാക്കുകയും ചെയ്യും
•  മഞ്ഞപ്പിത്തത്തിനും കരൾ സംബന്ധമായ മറ്റസുഖങ്ങളുടെ ചികിത്സക്കും ഉപയോഗിക്കുന്നു.
•   ആർത്തവത്തോടനുബന്ധിച്ചുണ്ടാകുന്ന വേദനയ്ക്ക് ശമനമുണ്ടാക്കുന്നു.
• അൾസർ ചികിത്സയ്ക്ക് കൈകണ്ട ഔഷധമാണ്.
• തലവേദനയ്ക്കും പല്ലുവേദനയ്ക്കും ശമനമുണ്ടാക്കുന്നു.
•  ത്വക്ക് രോഗങ്ങളുടെയും താരന്റെയും ചികിത്സക്കും ഉപയോഗിക്കുന്നു.
•  രക്ത ധമനികളുടെ പ്രവർത്തനം മെച്ചപ്പെടുത്തുന്നു.
•  ശരീരത്തിൻറെ ഗ്ലൂക്കോസ് ആഗിരണശേഷി മെച്ചപ്പെടുത്താൻ സഹായിക്കുന്നു.
• ശരീരത്തിലുണ്ടാകുന്ന വിഷപദാർതഥങ്ങൾ പുറന്തള്ളാൻ സഹായിക്കുന്നു.  

പോക്ഷക സമൃദ്ധമായ ധാരാളം കറിയിലകൾ നൽകുന്ന വയൽച്ചീര നിഷ്പ്രയാസം നട്ടുവളർത്താവുന്നൊരു ചീരയിനമാണ്. നിങ്ങളുടെ അടുക്കളത്തോട്ടത്തിനൊരു മുതൽക്കൂട്ടാകും  വയൽച്ചീര. 

ചായ മൻസ, ഇലച്ചേമ്പ് മുതലായ നിത്യഹരിത ഇലക്കറികളുടെ തൈകൾ കേരളാപോണിക്സിൽ ലഭ്യമാണ്. ഫോൺ; 9387735697 ഇ-മെയിൽ; keralaponics@gmail.com